Hristos söleer böön: “Angı ödek var nicä insan versin kendi canı için ? Ne fayda insana, açan o bütün dünnenin zenginniini kazanacek, ama canına yapacek fenalık?
Böönkü gündä bizdä, açan klisenin ortasında çıkarıldı stavros, biz baş iildyeriz stavroza. Golgofa bayırından hepsimizä gelyer te bu ses – angı ödek insan verecek kendi canı için? Allah böön bizä genä gösteryer, ani ne var hepsindän paalı. Allah böön gösteyer, ani O verer Kendi canını bizim canımız için, ani O kabledyer ölüm biz dayma yaşayalım deyni.
Allah bizim canımız için verdisaydı Kendi canını, bizä lääzım tanımaa Allahın istediini. Herbir insan paalı Allaha deyni, O verdi Kendi canını. Bizä aaramaa taa paalı iş böön yok nerada. Yok nedän aramaa taa paalı iş, neçin deyni canımız bizim taa ileri. Ne ödek insan var nicä versin canı için? Can var hepsindän paalı. Onuştan Allah onu koyer ileri hem biz da lääzım kendi canımızı okadar düşünelim koruyalım, ani bişey bizä köstek olmasın. Hem Allahın da istedii var bizim stavroz, angısını biz alalım da lääzım taşıyalım hem gidelim Hristozun aardına. Amin.
Prot. Feodor Karakalçev
