Проповедь в неделя 2 Великого поста Григорий Палама
Böönkü gündä biz annȇȇrız bir ayozu, ani var Grigoriy Palama, arhiepiskop Saloniki kasabasından, angısı anılyer ikinci pazar Paskellä orucunda. Grigoriy Palamadan çıkȇr ölä bir izmet Allaha, angısına denilyer “isihazm”. O kendi 20 yaşında ta gençkana gider Ay О́roza (Afon), nekadar sa vakıt o orada izmet etmiş. Açan gelyer oradan da çıkȇr nasaat etmää insannara, beş gün duryarmış o susmakta, da sade cumertisi hem Pazar, iki gün, çıkarmış nasaat etmää.
İsihazm var Ayoz Susmak. Neçin deyni susmaktan da olyer fayda, açan biz susȇrız, dayanyerız da sölänmeeriz. Ama kimär kerä olyer susarkana bizim fikirimizdä biz çekişyeriz, genä söleeriz kötü lafları. Ama bu var Ayoz Susmak (Святое Безмолвие), nerada açan susȇrsın da susarkana söleersin dua, söleersin İsuzun duasını (Иисусова молитва). Da bu bizä deyni var örnek, ani bu oruçta diil sade imäk taraftan tutalım lääzım oruç, ama dilimizlän da lääzım tutalım oruç. Gösteryer bizä, nicä biz lääzım korunalım laflardan, neçin deyni herbir laf, angısını söledin yok nicä geeri almaa. Dilimizdän bizim çok çıkȇr büük günahlar. Nerada var çok laf, orada var boş laflarda da. Nerada olyer boş laflar, orada olyer kötü laflar da. Nerada olyer kötü laflar, orada olyer maana bulmak ta, orada olyer yalan da sölemäk. Hepsicii nelär böön biz var nicä söleylim dilimizlän, biz var nicä yapalım pek büük zarar, neçin deyni dilimizlän var nicä insanı öldürmää da. Var nicä söleyräk bir kötü laf, insanı öldürmää laflan.
Böönkü gündä bizim Ayoz Klisä göstereräk, nasaat ederäk, üürederäk bizi bu işä, savaşyer bizi taa üüretmää, ani biz korunalım günahtan dilimizlän, aazımızlan.
Böön taa bir iş, nedän bizim Ayoz Klisä götüryer bu oruçta, savaşyer, ani herbir taraftan bizä olsun fayda, ani te o faydaylan, te o uurlan biz etişelim ayoz yortuya — Paskelleyä. Amin.
Prot. Feodor Karakalçev
