Hristos Gökä Çıktı

Проповедь в день Вознесения Господня

Hristos Gökä Çıktı! – Akına Gökä Çıktı!

Böönkü yortu var Allahın tamannanmasi. Allaa tamannadı Kendi neetini, ne lääzımdı yapsın erdä. Tamannadı, da geler vakıt, açan O çıkȇr gökä. Ama herbir işin var kendi maanası. Hristos çıktı gökä diil sade onun için, ani tamannadı Kendi işlerini. O  söleer Nikodimä: sade Kim geldi erä, O da var nicä çıksın gökä. Kendisi, Angısı gelyer, duȇr Panayiyadan, burada kabledyer zeetlerini, kabledyer ölüm, diriler ölülerdän, O da var nicä çıksın gökä. Biz yaparsaydık ölä, nicä düşer, yaşaasaydık, nicä Allaa bizi üüredyer, bölä bizä da sıra gelecek hepsimizä çıkmaa gökä.

Böönkü gündä Hristos çıkȇr gökä. Hepsiciini O yaptı insana deyni. Getirdi insana ilaç, angısınnan insan alışyer kendi günahlarından. Da onda var ölä kolaylık girmää Gökteki Padişahlaa. Gösteryer, ani hepimizä bölä sıra gelecek çıkmaa gökä, biz tamannarsaydık Allahın sımarlarını.

Allaa hepsini tamannadı. Duudu da Panayiyadan, erdä dä nasaat etti, gezdi, zeet çekti, stavroza gerildi, ölüm kabletti, dirildi, sora taa kırk günün içindä hep nasaat etti, üüretti Gökteki Padişahlık için, çıktı gökä bizim için. Herbir işi Allaa yapȇr bizim için, insannar için hem bizim kurtuluşumuz için. Amin.

Prot. Feodor Karakalçev