Проповедь в троицкую родительскую субботу
Bobanın, Oolun hem Ayoz Duhun adına!
Sevgili kardaşlar hem kızkardaşlar,
Klisedä ölä hepsicii kurulu, ani hepsicii biri-birinä baalı, hepsiciin var derin fikiri herbir iştä.
Bizdä var geçilmişlerin anmak günü, angısı olyer Paskellä orucun önündä, o herkerä olyer, açan bizim Klisä anȇr ertisi günündä Hristozun Korkulu Daavasını. Klisä bizi hepsimizi çaaryer dua edelim ölülär için, ani Allaa onnarında günahlarını prost etsin da kimsey gitmesin kayıba, kimsey düşmesin cendemä hepsicii kurtulsun.
Pazar günüdä var bizim Klisenin duuma günü (День рождение Новозаветной Церкви), bu yortu gösteryer, ani biz hepsimiz var Allahın Klisesi hem böönkü gündä Allaa çaaryer bizi dua edilim hepsi ölülär için, Allahta yok kimsey ölü, Allahta hepsicii var diri: kim geçildi da var Allahın Klisesi. Böön bizim yakın insannarımız toplanyer, olyerız onnarnan birlik, kim geçildi bu dünnedän, onnarnan da olyerız birlik da dua ederiz neçin deyni varız Allahın Klisesi. Ayırılmak orada yok, hepsicii insan birlik. Onuştan biz bilä dua ederiz toplanarak bir Klisää, angısını yarattı Hristos, hem böönen-böön o Klisä duryer hem duracek, nicä sölenyer da dünnenin bitkisinädak.
Kim yaşȇȇr bu dünnedä yada kim geçildi bu dünnedän — hepsimiz varız Hristozun Klisesi. Hristos var Klisenin başı, biz hepsimiz varız Onun güüdesi.
Allaa versin, ani duamız olsun yakışıklı Allaha da hepsicii insannar olsunnar nicä Hristos deer: “ Как я и Отец одно”, te ölä hepsimiz lääzım olalım birlik. Nicä Hristos, nicä Gökteki Boba, nicä Ayoz Duh — onnar hepsicii var bir Allaa da te ölä biz da Allahta lääzım olalım birlik. Amin.
Prot. Feodor Karakalçev
