Проповедь в день памяти мчк. Федора Тирона
Bobanın, Oolun hem Ayoz Duhun adına!
Sevgili kardaşlar hem kızkardaşlar!
Bizdä trimur aftası geçer. Bu afta bizdä doluydu slujbalarlan, dualarlan, sabaalän-avşamnän. Bir taraftan, var nicä demää, halizdän ölä var, bu afta bizä deynä açan geçeer, bizim artık nekadarsa canımız açılyer. Nekadarsa biraz kendimizi zeetledik. Ama o zeetlär var bereketli. Nicä apostol Foma, angısı inanmȇȇr, ani Hristoz dirilmiş, onun inansızlıına denilärdi “Доброе неверие Фомы.” Foma kendisi inanmȇȇr, ama diil ölä, ani inkär etsin Allahı. O inan, o isteer, ki bu olsun aslı, ani Hristoz dirildi, olmasın bu yalan. O isteer, da te onun için inanamȇȇr. Burada da bu afta geçeer, bu aftada vardı nekadarsa bizä diil sınaşık, sabaalän slujba, avşamnän slujba. Nekadarsa imäk tarafından kendimizi böldük bu afta, kim savaştı trimur tutmaa, kimsa savaştı oloylu imemää. Te bu afta açan geçeer, bizim canımız biraz acıyer, neçin deyni halizdän dä bu afta bereketli vardı, dualara da, herbir işä deyni. Açan nesaydı yapȇrsın, sıra geler zor onu yapmaa, ama açan bilersin, ani onun bitkisi var tatlı, var bereketli, ozaman kolay. Te ölä bizä deyni var bu afta da. Başka türlü bu aftanın kalyer adı Todur aftası.
Bileriz, neçin deeriz Todur aftası, neçin böönkü gündä anılȇr Födor Tiron. O kendi vakıdında en ilk zeet çekti kendi inanı için. O vardı genç asker, ani atılmadı inanından, onu yaktılar. Padişaa onu verdi yakmaa. O vardı 306 yılda. Geçer biraz vakıt, emen 50 yıl geçinmektän sora, zeet çekmektän sora, vardı bir padışaa, angısı vardı hristianin, ama atıldı Allahtan da istedi kendi topraandan insannarı getirmää genä yabancı allahlara. Ozaman o atılyer, ona ölä dä deerlär “Yulian Otstupnik”. Bilyer o, ani trimur aftasında hristiannar hepsi tutȇrlar oruç, da isteer onnarı mındarlamaa. Da alyer kanı idol kurbanından, ani yalancı allahlara getirerlär kurban, da onun kanınnan serpeer hepsi imeklerä, angısınnar var panayırda hristiannarın bozmaa orucunu deyni. Födor Tiron geler düşünä arhiyerä, angısı o vakıt varmış Evdoksiy. Bu olȇr 362 yılda. Da söler, ki ilk afta hristiannar bişey almasınnar panayırdan, ama pişirsinnär koliva da isinnär kolva bütün afta. Onun için bizdä dünkü gündä oldu te bu kolva Födora Tirona…
Prot. Feodor Karakalçev
