Отрывок из проповеди в день Усекновения Главы Иоанна Предтечи
Bobanın, Oolun hem Ayoz Duhun adına.
Sevgili kardaşlar hem kızkardaşlar.
Böön bizdä var Büük Cumaa, neçin deyni bir Büük Cumaada oldu en çirkin iş — insan verdi ölümä kendi Allahını. İkinci Büük Cumaa var böönkü gündä, nerada insan veryer artık ölümä, nicä Hristos deer, en büük prorokların arasından, en büük proraa — İoann Vartizediciyi.
Neçin veryer ölümä? — neçin deyni padişaa istämeer işitmää dooruyu kendi için.
Dooruluk için İoann Vartizedici verildi ölümä. Neçin deyni o söläärdi padişaya uz suratına, ani düşmäzdi alsın kendi batünun karısını, o yaşarkana.
Ayoz bobalar da söler: bütün Göktä, ne var ayozlar, onnardan hepsindän iilikçi var İoann Vartizedici. Neçin?
Neçin deyni biz göryeriz, ani o var apostolların ilk apostolu. Biz bilyeriz başka apostolları da, Hristozda vardı 12 üürenici, onnar vardı taa zeedä da, ama İoann Vartizedici vardı ilk apostol. Neçin deyni o yollandı Hristozun önündä, ani azırlasın Hristoza deyni yol. Neçin deyni kendi laf «apostol» var «yollanma». Hristos yollȇȇr Kendi üürenicilerini gitsinnär da nasaat etsinnär, alıştırsınnar insannarı. Da onnardan taa ileri yollandı İoann Vartizedici, angısı geldi azırlamaa Hristoza yol, geldi azırlamaa insanı, ani onnar kabletsinnär İisus Hristozu. Onun için o var ilk apostol.
O var prorok, o nasaat etti, söledi hepsiciinä insannara: Pişman olunuz, yaklaştı Gökteki Padişahlık. O söledi: Bän diilim Hristos, bän varım ses, angısı, baryer yaban erdä, azırlȇȇr Hristoza yol. Bana düşmeer Onun ayakkablarında tasmasını baalamaa. Kimä inecek Ayoz Duh O da var İisus Hristos….
Prot. Feodor Karakalçev
