Bobabın, Oolun hem Ayoz Duhun adına!
Sevgili kardaşlar hem kızkardaşlar!
İoann Vartizedicinin duuması. Ayoz Klise anmȇȇr kiminsaydı duumasını, sade üç kişinin. Başkasının hepsiicin var gecilmä günü, nezaman onnar zeet çektilär, nezaman onnar kendi ölümünnen öldü, ama çıktı Allahın önünä. Biz bakȇrız sade Hristozun duumasını, Panayiyanın duumasını hem da bir proraan, angısı için Hristoz söleer: “Из рожденных женами не восставал пророк, больший Иоанна Крестителя.”
İoann Vartizedicinin ilk lafları: “Pişman olun, zere yaklaştı Gökteki Padişahlık.” İoann Altınazlı söleer: “Sorma bana, nicä yaşadı İoann Vartizedici.” O durardı iki kişi arasında. Bir taraftan, insannarın büük günahların arasında, öbür taraftan, bekläärdi Hristozun gelmesini, ani vartiz olmaa. O lääzımdı vartiz etsin İisus Hristozu. O biler, ani lääzım gelsin Messiya, Kurtarıcı. Buradan da görer insannarı, angısınnar bulunardılar büük, çirkin günahların içindä. Sölärdi, üüredärdi, nasaat edärdi, kim nicä lääzım yapsın, nicä götürsün kendi yaşamasını, ani kurtulmaa deyni. Ama en ilk lafları vardı “Pişman olun, zere yaklaştı Gökteki Padişahlık.”
O vardı bitki prorok, angısı geldi erä. İlk, kim nasaat etti cendemdä. Açan padişaa kesti Onun başını, ozaman biricii taa düşmäzdi Gökteki Padişahlaa, hepsicii gidärdilär cendemä, neçin deyni Hristoz taa dirilmediydi ölülerdän. İlk nasaatedici cendemdä vardı İoann Vartizedici. Bu var prorok, angısına verildi diisin Hristozun başına. Ona da Hristoz söledi, kim var proroklar, onnarın arasında yok taa büük prorok, nekadar İoann Vartizedici. O da, sıra geler, açan Hristozu vartiz eder, söleer ölä: “Bana ötää dooru lääzım alcalmaa, Hristoza lääzım üüselmää. Hristoz lääzım büüsün, bän artık läzım dureyim Onun gölgesindä, neçin deyni bän geldim, hazırladım Ona deyni yol.” İoann Vartizedicinin lafları çaarȇrlar bizi, teklif ederlär: “Pişman olun, zere yaklaştı Gökteki Padişahlık”. Amin.
Prot. Feodor Karakalçev
