Проповкд в Великий Четверг
…Cumaaya Hrıstosa sıra gelecek kabletmää ölüm, böön savaşyer yapmaa en paalı işi, ne için O geldi erä. Allaa geldi erä kurtarmaa insannarı, onun için da biz Hristosa deyeriz, ani O var Kurtarıcı. Böönkü gündä O savaşyer tamannamaa, neyi O istedi, ne için O geldi erä, neçin O duudu Kızdan Mariyadan Panayiyadan, neçin O vartiz oldu, neçin hepsiciini geçirdi insan gibi. O böönkü gündä kurȇr Komkayı. Azırlȇȇr insannara deyni: “Te Bän sıra gelecek kabledeyim ölüm, çıkacam Gökä. Neyı Bän brakȇrım sizä? Brakȇrım sizä Kendi Kendimi”. Açan Allaa çıkȇr Gökä, O brakȇr bizä — Komkayi. Komka o var aliz Hristozun Güüdesi hem da var aliz Onun Kanı.
Da alyer toplȇȇr üürenicilerini bir içerdä, kurȇrlar orada sofrayı, iudeylerin adetince vardı iudeylerin Paskellesi.
Paskelleyi anardılar her yıl, neçin deyni vakıdın birindä Moisey çıkardı çıvıtları çiraklıktan, da ozaman sımarlandı Moiseya, ani hepsicii lääzım kessin kuzu, angısı var bir yıladak da imää o küzüyü acı(yakıcı) otlarlan, ani getirmää aklına onnar nekadar vakıt bulunyardılar zeetlerdä, çiraklıkta Egipetta da Allaa onnara yaptı büük bir iş, ani kurtardı onnarı çiraklıktan.
Böönkü Paskellä bizdä o var Allaa kurtaryer gena çiraklıktan, ama angı çiraklıktan – günaa çiraklıından. Neçin deyni hepsicii kim yapȇr günaa o var günahın izmetkeri, günahın çiraa. Onun için Allaa geldi bizi kurtarmaa çiraklıktan hem veryer bizä ilacı, azırlȇȇr o ilacı, angısı var Onun Güüdesi hem Kanı.
Prot. Feodor Karakalçev
