Из проповеди в день проповеди св. Андрея Первозванного
Bobanın, Oolun hem Ayoz Duhun adına!
Sevgili kardaşlar hem kızkardaşlar!
…Ne mutlu, kim işidyer Allahın adını hem da koruyer onu. Ne mutlu, açan biz işidyeriz, açan Allaa bizi çaaryȇȇr, biz işidyeriz onu, yapmȇrız kendimizi saar, yapmȇrız kendimizi kör. Ama işidyeriz, neçin deyni Ayoz bobalar deerlär: “Lääzım herbir insan olsun hızlı işitmää deyni hem yavaş sölemää.” İşitmää lääzım tez, ama sölemää lääzım aarlaşmaa, neçin deyni lafımız, ani söleeriz, herkerä var nicä olmasın yakışıklı. Var nicä olsun güç da, var nicä olsun keskin da. Te onun için, işitmää lääzım tez, cuvap vermää lääzım biraz oyalanmaa, düşünmää, çiinemää o lafları da ölä sölemää, ani o laflardan olsun dolu islä bereketlän. Te onun için, Allahın da lafını, sesetmesini lääzım herkerä işitmää, savaşmaa. Hristos deer: “Ne mutlu, kim işider Allahın adını hem da koruyer onu.” İşitmää hem korumaa. Bizä deyni te neredä örnek, te neredä apostolların izmeti, Andrey İlkçaarılmış, angısı brakȇr hepsini da gider Allahın aardına. Biz da lääzım baarim brakalım günahlarımızı, brakalım neyä biz böön baalıyız, boşuna işlerä, da işidelim hem gidelim Allahın aardına. Amin.
Prot. Feodor Karakalçev
