Ay boba Mihail Çakir topraamıza getirdi büük izmet. Neçin deyni herbir insan nesa brakȇr, angısı aklıbaşında, o savaşyer brakmaa bu erdä nesa islä kendi ardına.
Ay boba Mihail Çakir izmet etti bizim vatanımıza, bizim Moldovaa hem da bizim Gagauziya deyni yaptı pek büük izmet. Enilk onun izmeti vardı Allaha, Allaha izmet edärkana yok nicä izmet etmemää insana. O aydinnıklandırdı bizim topraamızı, nicä vardı Mefodiy hem Kirill — iki kardaş, angısınnar yaptılar büük izmet ruslara, bizä deyni gagauzlara, bizim topraamızda, bizim vatanımıza vardı büük izmeti Ay boba Mihail Çakirin.
Biz lääzım, bir taraftan, analım, unutmayalım onnarı, neçin deyni unudyarsak, biz kaybedyeriz kendi insannıımızı. İkinci, eer biz onnarı tutarsak aklımızda, biz lääzım alalım onnardan örnek…
İnsan lääzım olsun insan, insan lääzım kalsın insan. Geçildiynän da anılsın te onunnan, ani sayardı Allahı, sevärdi kendi topraanı, kendi vatanını hem da sevärdi insannarı!
Prot. Feodor Karakalçev
