Bobanın, Oolun hem Atoz Duhun adına. Sevgili kardaşlar hem kızkardaşlar!
Apostol Pavel böön kendi yazısında söleer ölä, ani geldi kurtuluş — ii vergisi Allahın hepsicinä insannara (Явись благодать всем спасительная всем человеком). Geldi neçin deyni vartizliktän herbir insan kabledyer kendinä kurtuluş. Vartiz olduktan sora insan giryer Klisä, olyer Klisenin aylesindä, bunnan kabledyer kendinä hepsi iilikleri, bereketi, angısınnar var kurtuluş bereketi.
Hristos vartiz olyer Vartizedici İoanndan, çıktıynan sudan, göryer, ani açılyer göklär da oradan işidilyer bir ses: “ Buydur var Benim Sevgili Oolum, Onda Benim ii istediim “ .
Böönkü yortuya başka türlü denilyer “Allahın gelmesi” (Богоявление), Allaa böönkü yortuda göründü bütün, Troiţa Üçlü, nicä Allaa var Kendi. Göryeriz, ani Hristos gelyer vartiz olmaa, giryer suya, Ayoz Duh Guguş gibi iner Hristozun üstünä, açan O çıkȇr sudan hem Göklär açılyer nerada işidilyer Gökteki Bobanın sesi, Angısı söleer, ani “Buydur var Benim Sevgili Oolum Onda Benim ii istediim.”
Üç ad var bu yortuda: Saabinin Vartizlii, Allahın gelmesi hem Vartizlik. Vartizlä başka türlü denilyer Aydınnıklandırmak (Просвещение). Apostol Pavli söleer üürenicisinä Tita: “İnsannar, angısınnar oturyardılar karannıkta, onnara geldi büük Şafk”. Onun için da bu yortuya denilyer Aydannıklındırmak da.
Prot. Feodor Karakalçev
