Bönkü gündä biz anaakana apostol Andrey Ilkçiirɪlmayı, onun için kayet çok yok yazɪli Ayoz Yazɪda, ama izmeti onun da vardɪ. Hristos onu çaaryer ilk, onun için ona söleneer «Yılkçiirɪlma» hepsi apostolların arasɪnda. Apostol Andrey hem apostol Ioann Bogoslov bulunyarmişlar Kesikbaşlɪ Ioannan bilä, onnar varmɪşlar onun üürenicileri. Açan geleer vakıt Hristoza vartiz olmaa, Kesikbaşlı Ioann gösterer, ani te bu var Allahın kuzusu. Hristos çaaryer iki apostolu, ama sade Andreya deniler «Ilkçaarılma», deynä o var toplıycı hem çaarıcı öbür apostollara.
Apostol Andrey hem apostol Ioann Bogoslov brakerlar Kesikbaşlı Ioannı da olyerlar Hristozun üürenicileri. Andrey çaaryer kendi kaardaşını, angɪsı varmiş Piotr. Hristos çaaryer Andreyi hem Poitoru , angısınnar varmɪşlar balıkçi da deer onnara: «Gelin Benim aardima da Bän sizi yapacam insan avcisi. Șindi siz balık tuteersınız, soona toplıycıınız Benim Ayoz Klisemä insannarı nasaatederäk».
Kim o nasaatedici?
Nicä hristian biz da variz nasaatedici. Nasaat etmää var nicä yaşamamızlan. Yaşamaklan lääzım göstermää kim o var hristian. Biz da bön her bir işimizi yapaarkana hristiancasɪna, biz da var nasaatedici. Onu lääzɪm unutmaylɪm. Açan yapeeriz nesa teerisinä, bozerɪz hepsini. Bön var nicä olmaa ayleda hristian ana, boba, mali gibi. Her bir uurda, açan biz götüreriz kendimizi nicä duşeer, bizdän çɪkeer nasaat hepsinä. Bizim yaşamamɪz gösterer kim biz.
Bir ayoz söleer, ani biz ölä lääzım yaşayalım, ani dünyeda Ayoz Evangeliya kaybeläydi, , ani bizä bakarak endän olsun nicä yazmaa Ayoz Yazıyı. Amin.
