Ayoz Grigoriy Palamanın üüretmesi
Проповедь в неделю св Григория Паламы
Bobanın, Oolun hem Ayoz Duhun adına!
Sevgili kardaşlar hem kızkardaşlar!
Bu oruçta herbir pazarın var adı, ilk pazar paskellä orucunda var Ortodox Inanin Metinnii. İkinci pazar var bir ayozun adına, angısı var Grigoriy Palama. Fessalonikidä o vardı arhierey hem onun bütün yaşaması vardı izmet Allaha.
Grigoriy Palama artık 20 yaşında olyer monah, gider Ayın Óroza (Afon), da orada o çekedyer kendi yaşamasını götürmää duada. Orada varmış onun üüredicileri, yakışıklı Allaha duaylan geçiryer kendi yaşamasını. Da ozaman çıkȇr bir üüretmäk, angısı vardı Afonda, angısı var Ayoz Susmak – isihazm. O diil sade susmak, açan sän lavetmersin, taa çok savaşyersın susmaa, da senin fikirin duada. Fikirincäsına dua edersin, lavlarınnan da sän kaybetmersin, arcamȇȇrsın te o Allahın bereketini, angısı sana verilyer. Alizdän da biz lavlarımızlan, lavetmäklen hem çok türlü lavetmäklen, boşuna da lavetmäklen, diil lääzım ne lavetmäklen – onnarnan hepsinnen biz kaybedyeriz çok. Var nicä demää, ani bir yırtık cöp, angısına nekadar da koy nesa, oradan hepsicii akȇr. Te ölä burada da olyer, açan biz bilmeriz lavetmää, açan biz çok lavederiz, açan ne diil lääzım lavederiz, açan boşuna lavları lavederiz, ozaman biz kaybedyeriz Allahın bereketini. O var ölä bir günaa, angısında biz pek ilerleriz bu günahta. Bizdä bu günahtan hepsimizdä var pek islä zeet, neçin deyni yapȇrız bu günayı pek çok hem yapȇrız hep.
İsihazm urum dilindän var Ayoz Susmak: susȇrsın, lavetmersin hem dua edersin. Da te bu iştä o ilerledi hem da sıra geldi da oldu popaz da sora oldu arhierey. Ölä olyardı, ani beş gün aftada o çıkmardı – duryardı duada, sora sade cumaertisi hem pazar çıkardı da nasaat edärdi, izmet yedärdi klisedä. Te böölä vardı Grigoriy Palaman yaşaması. Sıra geldi ona cenk etmää yalancı üüretmekllärlen – varlaamitlar, angısınnar üüredyardılar, ani Hristozun şafkı, açan Hristozun suratı dişilyer bayırda Favor, çekedyer şılamaa, ani şafk varmış yaradılma, diil Allahın şafkı. Da bununnan cenk edärdi Grigoriy Palama da.
Bu oruç var bizä deyni yol, angısından biz gideriz da bizim öbür adımnız lääzım olsun üürenmää susmaa. Susmak döner sora Ayoz Susma.
Lavetmää deyni üürenyeriz bir-iki yılda, susmaa lääzım üürenmää bütün yaşamakta. Amin.
Prot. Feodor Karakalçev
