Hepsindän Paalı — Hristos

Hristos Dirildi! – Akına Dirildi!

Bobanın, Oolun hem Ayoz Duhun adına!

Sevgili kardaşlar hem kızkardaşlar!

Böön bizdä yarılanȇr günnär Paskelledän Troiţaadan (Преполовение Пятидесятницы) — bir yortu. İkinci yortu da bizdä Ayoz Georgiy, angısını anȇr bizim Klise, anılma bizim taraflarda da hem çok erdä kendi yaşamasınnan o uydurdu Allaha.

Georgiy, keseceykana onun kafasını, söleer: “Getirin beni sizin klisenizä, neredä var idollar.” Da o, girdiynän orayı, hepsi idollar, yalancı allahlar yıkılyerlar, daalyerlar. Te o inandırmak, örnek var, nicä hristiannık üsteleyecek. Üsteyelecek käär daadacek yalancı inanmakları. Te neredä var bizä deyni örnek, te o Allahın lafı. Georgiy ayırȇr kendinä Allahın yolunu, neredä izmeteder, atılıp dünnenin gözellikliindän, dünnenin raatlıklarından. Onnardan hepsindän atılȇr. Da ayırȇr kendinä izmet Allaha. Te ölä, kim saymadı bişeyä kendi yaşamasını, ömürünü, bilärdi, ani sade Allahlan olmaa hepsindän paalı. Da brakılardılar hepsindän, kayıl olyardılar zeetlerä, neçin deyni önündä onnar göryärdilär sade Hristozu. Başka iilik, gözellik, raatlık bu yaşamakta onnara deyni yoktu. Hepsindän paalıydı Hristos. Te onun için, onnar ne gençliini sayardılar, ne saalıını sayardılar, ne gözelliini sayardılar, ne zenginniini sayardılar – bişey koymardılar uura Hristozdan kaari. Te onun için verärdilär cannarını, neçin deyni olmaa Hristozun yanında var hepsindä paalı. Amin.

Prot. Feodor Karakalçev