Hristozun İerusalimä girişi

Проповедь в день празднования входа Господня в Иерусалим

Bobanın, Oolun hem Ayoz Duhun adına!

Paskellä yaklaşȇr da hepsicii gelerlär İerusalimä. Adamnar hepsi lääzımdı olsunnar Paskellää deyni İerusalimdä. Da gelerlär çoyu. Hem bilerlär, ani Hristoz orada. Görmää diil sade Hristozu, ama görmää Lazari da, angısını diriltti Hristoz. Arhierlär, angısınnar düşünärdilär, ne yapmaa da öldürmää diil sade Hristozu, ama öldürmää Lazari da, neçin deyni Lazarin sebepindän çoyi gelärdi da inanardılar Hristoza, ani Hristoz bölä iş yaptı, görerlär Lazari, ani onu ölülerdän Hristoz diriltti. Bu sebeptän isterlär Lazari da öldürmää.

Bizä deyni ne var bir örnek: çıvıtlarda hepsi adamlar Paskelledä lääzım olsunnar yortuda, lääzım olsunnar Klisedä. Lääzım bizdä dä ölä olsun. Hepsicii adamlar Paskelledä lääzım olsunnar klisedä.

İşittiynän, ani Hristoz geler, hepsicii ii neetlän karşılȇrlar Hristozu, onnar döşerlär kendi rubalarını, kimisi keser dalları aaçlardan da döşerlär Hristoza, neçin deyni bölä karşlȇrlar Padişaayı. Ama Hristoz söleer Kendi üüredicilerinä: “Gidin, bulaceynız bir eşek hem bulaceynız onun koduunu, da getirin onnarı Bana. Sorarsaydı kimsa, söläyin, ani onnar lääzım Saabiya.” Da Hristoz oturȇr eşek üstünä, ani taa birisi onun üstündä oturmamış. Neçin deyni açan kimsaydı kimisaydı üsteleer, onnar gelärmişlär kasabaya beygir üstündä, biyaz beygir üstündä, ani o üsteledi duşmanını, da şini o geler burayı nicä kahraman. Ama Hristoz oturȇr eşään üstünä, angısı gösterer Kendi usluluunu. O göstermeer Kendi dikliini, Padişaa gibi, ama girer eşään üstündä, göstereräk, ani biz da lääzım uslandıralım kendi zeetlerimizi. Hepsicii, kim karşlȇȇr Hristozu, onnar baarȇrlar “Осанна в Вышних”. Ama geçmeer çok vakıt, da te o insan, angısı böön sevinärdi, geçmiyecek çok vakıt, da hepsicii baaracek başka türlü.

Bizim böön karşılamamız Hristozu lääzım olsun diil yalan. Lääzım herkerä Hristozu karşlamaa, görmää Onda, ani O var bizim Saabimiz, O var bizim Allahımız. Amin.

Prot. Feodor Karakalçev