Bizdä oruç yaklaşer bitkisinä. Da kaler bir basamak bizdä, ani etişmää Paskellä. Bu basamaa herbiri geçmäsaydı, yok nasıl etişmää Paskellää. Diil sade ani salt vakıt geçsin, vakıt geçer kendi başına, ama bizim önümüzdä durer zeet avtası, ona öla da deniler -«Страстная Седмица»- zeet avtası. Bu avtadan lääzım geçelim, bu avtada biz annerız Hristozun zeetlerini. Açan Hristos geçti o zeetlerdän, biz da lääzım gelelim klisä da işidelim, sesleelim,dua edelim. Bırda işideriz onun zeetlerini, işideriz, nasıl Onu sattılar, getireriz aklımıza, nica sıra geldi dua etmää Ona Gevsemania başçasında, nica sıra geldi Ona geçmää bitkiyadan ki kabletmää zeetleri- gerilmää stavrozda- kabletmää ölüm. Bütün avta her bir taraftan savaşmaa korunmaa ilk günahlardan. Bulmaa vakıt gelän avta da gelmää klisää , o slujbalara, angsınnar olerlar, onnara lääzım bulmaa vakıt da savaşmaa olmää, neçin deyni avta diil lääzım geçsin salt olä, ani biz nesa bekleez, o sade hazır olerız imäk tarafından, türlü-türlü imeklär hazırleeriz: ani te şindiyadan tuttuk orucu da şindi artık lääzım açalım orucu da doyunca ielim- Diyl ölä. Bizä lääzım geçirmää te o zeetleri, neçin deyni onnardan geler iilik. İmektän nekedarsaydı güüdemizä geler, ama onnan biz taa azalderız kendi canımızdan,açan kayet çok savaşerız veermää güüdemizä.
Prot. Fiodor Karakaliçev