Saabinin karşı gelmesi, angısı bizä annadyer, ani varmış bir adam Simeon, ani yaştan pek büükmüş. Allahtan ona adanyeer, ani ölüm kabletmeycek. Neyçi? Sıra gelyer, açan taa Eski Baalantısında yazının çivıtlar atılyaardılar Allahtan. Prorok Daniil göryer düşündä, ani bir idol, angisinda varmiş bir kaç türlü demirdän onun başı, elleri, ayaklari. Açan göryer onu Padişaa, prorok Daniil ona annadyer bu düşün maanasını. O annadyer, ani başka-başka padişahlar üsteliycek çivıtları da onnarın üstündä olacek çorbacı. Ҫivıtlar olacek çirak bu padişaalarda.
Bir padişaa, angisi geleer Hristozun Dumasinin önündä, o vardi urum padişayi. Bibliya kiyatların arasında yokmuş. O isteer onu çevirsinnär çıvıt dilindän urum dilinä da çaryer 72 çevirici. Onnarın arasında varmiş Simeon da. Ona duşer bir pay çevirmää, nerada varmiş Prorok Isayanın kiyadı. Orada sölenyeer, ani bir Kiz duuduracek, ani evlat. Da ona geleer şupä, deer: «Nasi bölä var nica olsun, ani Kiz var nica duudurtsun?». Kizlar duudurmeer, karilar duudurer. Da o isteer doorutmaa, isteer kazımaa te o eri, nerada bu yazılar. Ozaman ona geleer angel da deer: “Sän ölüm kabletmiycän, almadaan kucaana o Evladı, o Uşaa elinä, ani inanmadin, ani Kiz duuduracek Evlat. Geçer üçüz yıl, o varmiş 300 yıldan zeedä yaşlarında, o bilyeer, ani Hristoz duudu, bilyeer ani adetçesinä 40-ci gün açan paklanyer anası, lääzım getirsinnär o adetlerä görä uşaa hem getirsinnär kurban – bir kuş yada guguş yavrusu.Ierusalimin klisesinä getiryerlar Uşaan Bobasi hem Anasi — Iosif hem Maria — 40-günnük Uşaa. Simeon alyer elinä Hristizu da söler bölä lafları: “Bön salveryersin beni da kabledeyim ölüm, neçin deynä gördü benim gözlerim töö kurtuluşu, ani Sän azırladın insannara”. Hristos var Kurtarıciı, Angısı geldi erä. Orda taa bulunyaarmiş Anna Prorociza, angısı 7 yıl yaşamış kocasınnan, nica evlenyer da kalyer dul, 84 yaşındaymiş, gecä-gündüz klisedä bulunyaarmiş, duaylan hem oruçlan izmetedarmiş Allaha.
Bu istiriya bönkü yortuynun gösterer, ani Simeona diyldi ilin bu yaşlarda, ama te o alyeer elinä, karşı gelyer Hristozlan. Burada Eski Baalanti biteer, Hristoz da çekedyer Eni Baalantısını, onnar karşı gelyer. Simeon tuter Hristozu elindä, ama alizdan Hristoz onu tuter Kendi elindä.
Karsi gelmäk Allahlan bizä epsimizä sıra gelyer bizim yaşamamızda. Em ilk kaarşı gelmäk olyer Vartizetmektä. Ozaman biz çok iş adeerız: ani yasaycız gunahsız, izmetetmiyciz şıytana, ama sade izmet edeciz Allaha.
Bizim içimiz läzim imşasın, ani biz karşı geldiynän savaşalım Onu kabletmää.
Prot. Fiodor Karakaliçev