Проповедь в первую неделю Великого поста, Литургия Преждеосвященных Даров
Bobanın, Oolun hem Ayoz Duhun adına!
Sevgili kardaşlar hem kızkardaşlar!
Bir Ayoz boba sölettiryer şeytana lafları: “Ayoz Allaa, Ayoz Kuvetli, Ayoz Ölümsüz, hayırla bizi”, da şeytan onu sesleer. Da sölȇȇr sade te okadar: “Ayoz Allaa, Ayoz Kuvetli, Ayoz Ölümsüz”, ötää dooru sölämeer, neçin deyni sölemää bu duayı ötää dooru, ozaman lääzım göstermää kendi usluluunu (смирение). Demää ”hayırla bizi” var usluluk. Da şeytan , angısı bilyer Allahın kuvedini, bilyer kim o Allaa hem da inanyer, ama bir ne yok şeytanda — yok onun pişmannıı.
Neçin Allaa gelyer erä bizi kurtarmaa deyni – insannarı? Allaa gitmer kurtarmaa angelleri, angısınnar atılyerlar Ondan. Da böönnen-böön onnara denilyer şeytan hem onnarın var çorbacısı — satana. Allaa gelmeer onnarı kurtarmaa, neçin deyni şeytanda yok pişmannık, o hepsinni bilyer bizdän islä. Nicä şeytan gelyer avva Makariya, da söleer: “ Sän ne yapȇrsın, bän da yapȇrım: sän aaz iyersin — bän sa hiç imeerim; sän aaz uyuyȇrsın – bän hiç uyumȇȇrım, ama bir neylän sän beni üsteleersin — o senin uslulunnan”.
Günahlarımız bizim af olunyer ozaman, açan biz ürektän pişman olyerız, açan alizdän neetlenyeriz günahları başka yapmamaa. Te ona denilyer alizdän pişmannık.
Şeytanda usluluk yok, şeytanda pişmannık yok. İnsanda var pişmannık, insanda var nicä olsun usluluk. Var nicä olsun, eer biz onu isteyarsak. Başka türlü biz yok nicä girelim Gökteki Padişahlaa…
Prot. Feodor Karakalçev
