Bobanın, Oolun hem Ayoz Duhun adına!
Var kliselär, neredä var stil eniycä hem stil eskiycä, yortular onnarda bakılȇrlar başka günnerdä. Ama bu yortular bakılȇr hererdä birtürlü. Te onun için, Ortodox Klise hererdä anȇr böönkü gündä hepsiciini, kim geçildi. Neçin deeriz anmak günü, neçin deyni kim geçildi, bizim malilerimiz, dädularımız, bobalarımız-analarımız, onnar için dua ederiz.
Neçin Klise yapȇȇr käär bu anmak cumertesini?
Neçin deyni sabaakı gündä çekeder afta Korkulu Daavası için. Evangelieda Hristos söleer bu Daava için, orada hepsicii insannara sıra gelecek çıkmaa Allahın önünä, da olacek Hristozun Korkulu Daavası. İlk kerä Hristos geldi erä insannarı kurtarmaa deyni. Yaptı hepsini, ne lääzımdı yapmaa. Hepsindän paalı işi – Allaa geler da insana getirer ilaç. Getirer ilaç, angısı var Onun Güüdesi hem da Kanı. Geriler Stavroza, getirer Kurban, en paalı Kurbanı, Angısı var Kendisi. Verer hepsiciini, ne lääzım. Da şini, ikincilär geler sormaa, yaptık mı biz, kullandık mı, ne O verdi bizä, kullandık mı biz Kanını Onun hem da Güüdesini ilaç için, istedik mi biz kurtulmaa, savaştık mı nesaydı yapmaa. Te o Hristozun Korkulu Daavası sabaakı gündä bizdä anılȇr. Ama Allaa bizi hepsimizi çaarȇȇr bundan kaari dua edelim geçilmiş soylarımız için, neçin deyni hepsiciimiz var diri, neçin deyni ölü Allahta yok. Allahta hepsicii diri.
Kendimiz biz en ilk lääzım hazır olalım Korkuluk Daavasının önündä. Buna deynä pildayı da söleer Hristos, ani padişaaya etişmedään nesaydı aalaşmaklar, ondan ileri, kedni duşmanından, prost ol padişahlan, senin duşmanın gitmedään sendän ileri da aalaşmadan sendän, neçin deyni o gidärsä sendän ileri, sana bundan olacek ceza. Açan biz böön, vakıt gelmedän, hiç savaşmayacez brakılmaa günahker yaşamamızdan, savaşmayacez günahlarımızda pişman olmaa, sira geldiynän Korkulu Daava, ozaman olacek hepsicii çirkin. Te onun için, Allaa verer herbir insana kurtuluş, bizä dä hem te onnara da, kim geçildi, angısınnar için biz böönkü gündä dua ederiz, isteeriz, ani Allaa onnarın da günahlarını afetsin. Amin.
Prot. Feodor Karakalçev
