Проповедь в день Вознесения Господня
Neçin lääzım bizä bu yortu? Neçin deyni ölä insan var, angısının var hem canı hem da güüdesi. Sayılyer, ani güüdä nekadar sa köstek koyer bizim canımıza, ama biz hepsimiz bilyeriz, ani insan lääzım girsin Gökteki Padişahlaa kendi güüdesinnän. Onu böönkü Evangeliyada biz genä işittik, açan Hristos dirildiynän ölülerdän gelyer da Onun üürenicileri sanyer, ani kapular kitliymişlär, gelyer kalyer onnarın arasında da söleer: “ Baarışmaklık sizä”. Üürenicilär inanamȇrlar da sanyerlar, ani bir duh geldi. Da O deer: “Neçin böölä şüpelär sizin üreklerinizä gelyer? Var mı burada nesa imää?”. Da onnar veryerlar bir parça balık hem bir parça gümeç balı. Da O alyer da onnarın önünda iyer, göstereräk, ani Onun var güüdesi. O deer, ani Duhun kemikleri hem eti yok, nicä göryersiniz, ani Bendä o var”.
Hristos dirilyer eni güüdedän da böönkü yortu bizä gösteryer, ani Hristos çıkȇr Gökä Kendi eni güüdesinnän, oturyer Bobanın saa tarafında. Hristos lääzımdı kabletsin güüdä, duusun Panayıyadan, Hristos lääzımdı çeksin bu zeetleri Kendi güüdesindä hem bitki-bitkiyadak dirilsin artık eni güüdedä, angısı çürümeer hem eni güüdäynen lääzımdı çıksın Gökä. Göstereräk, ani herbir insan gelecek Gökteki Padişahlaa eni güüdäylen.
Hristos çıkacıykana Gökä söleer Kendi üürenicilerinä, ani Bän sizi brakmayacam üüsüz, çıkarkana Gökä O söleer, ani Bän yollayacam sizä yıkardan Kuvet, yollayacam Ayoz Duhu.
Ölä da olyer. Geçer on gün da hepsicii apostollara iner Ayoz Duh, da onnardan böönen-böön geçer bizä. Biz kabledyeriz Ayoz Duhu vartizliktä, biz böön kabledyeriz Ayoz Duhu popazlik sakliliinda (в таинстве священства) — hepsicii bunnar bizä verilyer.
Genä biz işidyeriz, ani ayırılmak vardı diil kahır için, bu ayırılmak vardı genä sevinmelik, ani Hristos getiryer Kendi üürenicilerinä, adȇȇr onnara Ayoz Duhu, veryer Kendi üürenicilerinä te bu ilinnii.
Hristos gider hem yollȇr bizä Ayoz Duhu, Kuvet yıkardan hem Kendisi da bitki-bitkiyadak kalyer bizimnän: Bän varım sizinnän dünnä bitincäk.
Amin.
Prot. Feodor Karakalçev
