Bobanın Oolun hem Ayoz Duhun adına!
Sevgili kardaşlar hem kızkardaşlar, herbir iş bizdä belli olyer derindän ozaman, açan biz nesa zoor geçiryeriz, ozaman annêêrız, nekadar bizä deyni nesa bir iş paalı. Açan biz bulunyerız su altında da bizä etişmeer soluk, da nekadar sa vakıttan sora biz çıkêrız da alyerız soluk, ozaman annêêrız, ani nekadar paalı bizä deyni soluk. Açan biraz zeet çektik, göryeriz nekadar var tatlı ekmek. Açan susamışık da yanmışık susuz, bütün gün işlemişik, ozaman annêrız, nekadar te o su var paal,ı herbir damlası.
Açan birazçık zoor çekmişik, izmet etmişik, ona yok nicä demää, ani nesa büük biz yapmışık: geldik bekim bu iki gün, böön üçüncü gün, geldisak sabaalän hem avşam üstü, dualarda (slujbalarda) durdusak, bekim onnar uzun, ama o herkerä var küçük bir izmetçik.
Bizä herbir işin dadı dişilyer. Onuştan biz işidyeriz, ani «Dadın da duyun, nicä var İi Saabi, paalı var Saabi bizä deyni»
Susuz, imeesiz yok nicä çok dayanalım, ama biz annamêêrız, ani komkasız taa da az vakıt var nicä dayanalım, neçin deyni insan kabledyer ölüm. Böön yaşêêrız, gezeriz, iyeriz da, lavedyeriz da, iş ta yapêrız, ama hiç annamêêrız nekadar bizä lääzım komka.
Biz lääzım düşünelim, nicä lääzım gelelim komkaya. Azır biz birimiz diyl, ani alizdän dostoin biz birimiz diyl almaa te o komkayı. Biz alyerız onu, neçin deyni biz onsuz yok nicä yaşayalım. Bizä onsuz yok yaşamak. Ama açan korkuylan gelyersin, savaşyersın nekadar sa azırlanmaa, onu Allah göryer, duyer, nicä sän oray gelyersin. Allah veryer onu sade üremzä görä.
Prot. Feodor Karakalçev
